මුල්ලේරියාවට පොලිස් ඇඳිරි නීතිය පනවයි

අද(08) පස්වරු 3 .30 ට පමණ මුල්ලේරියාව පොලිස් වසමේ සිදුවූ වෙඩි තැබීමක් හේතුකොට ගෙන මුල්ලේරියාව පොලිස් බල ප‍්‍රදේශය තුළ පමණක් වහාම ක‍්‍රියාත්මක වන පරිදි පොලිස් ඇඳිරි නීතිය පනවා ඇති බව පොලිස් මාධ්‍ය ප්‍රකාශක මැක්සි ප්‍රොක්ටර් මහතා පවසයි.

මෙම ඇඳිරි නීතිය 2011.10.09 දින පෙරවරු 6 .00 ට අවසන් වන බව පොලිස් මාධ්‍ය ප්‍රකාශකවරයා නිවේදනයක් නිකුත් කරමින් සඳහන් කරයි.

සාමකාමීව හැසිරීමෙන් නීතිය සහ සාමය ආරක්ෂා කිරීමට පොලීසියට සහාය වන ලෙස ද මැක්සි ප්‍රොක්ටර් මහතා ප‍්‍රදේශයේ ජනතාවගෙන් ඉල්ලා සිටියි.