ලොරියක් හා බසයක් ගැටී හත් දෙනෙකුට තුවාලයි

තෙල්දෙණිය, මහියංගණ ප්‍රධාන මාර්ගයේ සිදුවූ රිය අනතුරකින් පුද්ගලයින් හත් දෙනෙකු තුවාල ලබා තිබේ.

අද(18) දහවල් ඔරුතොට ගෝනවල ප්‍රදේශයේ දී ලොරි රථයක් සහ බස්රථයක් ගැටීමෙන් මෙම අනතුර සිදුව ඇති බව තෙල්දෙණිය පොලිසිය සඳහන් කරනු ලැබීය.

අනතුරින් තුවාල ලැබූ පුද්ගලයින් තෙල්දෙණිය රෝහලට ඇතුළත් කර ඇති අතර ඉන් බරපතල තත්ත්වයේ පසුවූ තුවාලකරුවන් සිව් දෙනෙකු මහනුවර රෝහලට මාරු කර යවා තිබේ.

අනතුර සම්බන්ධයෙන් තෙල්දෙණිය පොලිසිය වැඩිදුර පරීක්ෂණ පවත්වයි.