දැන්වීම්වල සිල්ලර මිල ලකුණු නොකළ ආයතන 40 ට නඩු

පුවත්පත්වල දැන්වීම් පළකිරීමේ දී භාණ්ඩවල සිල්ලර මිල සඳහන් කළ යුතු බවට වු නියෝගය උල්ලංඝණය කළ ආයතන 40 ට එරෙහිව නීති මගින් ක්‍රියා කර ඇති බව පාරිභෝගික කටයුතු පිළිබඳ අධිකාරිය පවසයි.

ශීතකරණ , යතුරු පැදි , ඖෂධ වර්ග , රථ වාහන ඇතුළු භාණ්ඩ අලෙවිය සම්බන්ධ වෙළෙඳ දැන්වීම් ප්‍රදර්ශනයේ දී මිල සඳහන් නොකිරීම හේතුවෙන් මෙම පියවර ගෙන තිබේ.

මේ වසරේ ජනවාරි මාසයේ සිට අදාළ නීති ක්‍රියාත්මක කිරීමට සමූපකාර හා අභ්‍යන්තර වෙළෙඳ කටයුතු අමාත්‍යාංශය පියවර ගෙන ඇත.

ඉදිරියේදී ද එම නීති උල්ලංඝණය කරන පුද්ගලයන්ට එරෙහිව කටයුතු කරන බවද පාරිභෝගික කටයුතු පිළිබඳ අධිකාරිය වැඩිදුරටත් සඳහන් කළේය.