කොමිසමේ වාර්තාවෙන් නිවැරදි තොරතුරු ලැබෙතැයි විශ්වාස කරනවා

හිටපු විදේශ අමාත්‍ය ලක්ෂ්මන් කදිර්ගාමර් මහතා සෑම අවස්ථාවකදීම සියලුම ජාතීන්ට සාමයෙන් හා සමගියෙන් ජීවත්විය හැකි ඒකීය ශ්‍රී ලංකාවක් අපේක්ෂා කළ බව එංගලන්තයේ රාජ්‍ය ආරක්ෂක ලේකම් ලියම් ෆොක්ස් මහතා පවසයි. 

‍ අද(09) පස්වරුවේ ශ්‍රී ලංකා පදනම් ආයතන ශ්‍රවණාගාරයේ පැවති ලක්ෂ්මන් කදිරගාමර් අනුස්මරණ දේශනයේදී ඒ මහතා මේ බව සඳහන් කළේය. 

‍ උගත් පාඩම් හා ප්‍රතිසන්ධානය පිළිබඳ ජනාධිපති කොමිසමේ අවසන් වාර්තාව තුළින් ශ්‍රී ලංකාවේ සිදුවූ බව කියන සිදුවීම් සම්බන්ධව නිවැරදි තොරතුරු ඉදිරිපත් වනු ඇති බව තමන් විශ්වාස කරන බව ඔහු කියා සිටියේය. 

‍ එමෙන්ම ඒ තුළින් ලක්ෂ්මන් කදිරගාමර් මහතා අපේක්ෂා කළ දෙය ශ්‍රී ලංකාව තුළ ගොඩනැගීමට අවස්ථාව ලැබෙනු ඇති බව ද වැඩිදුරටත් අදහස් දක්වමින් ලියම් ෆොක්ස් මහතා ප්‍රකාශ කළේය.