2:43 PM
Sandaruwan
සයිබර් අපරාධ සහ පරිගණක ආශිත වංචා මර්දනය කිරීම සඳහා වන ලෝකයේ ප්‍රධාන පෙළේ ආයතනයක් සමග ශ්‍රී ලංකාව නොබෝදා සහයෝගිතා ගිවිසුමකට එළඹ ඇත.
ශ්‍රි ලංකා තොරතුරු හා සන්නිවේදන තාක්‍ෂණ නියෝජිතායතනය යටතේ ක්‍රියාත්මක ශ්‍රී ලංකා සර්ට් ආයතනය සහ අන්තර් ජාතික වශයෙන් ක්‍රියාත්මක ඉම්පැක්ට් (IMPACT) ආයතනය අතර මෙම එකඟතාව ඇතිවී තිබේ.
අන්තර්ජාලය ඔස්සේ මෙන්ම පරිගණකය ආශ්‍රිතව සිදුකෙරෙන විවිධ ආකාරයේ අපරාධ සහ වංචා මැඩපැවැත්වීම මෙන්ම ඊට එරෙහිව කඩිනම් පියවර ගැනීම තව දුරටත් ශක්තිමත්ව සිදු කිරීමට මේ සමග ඉඩ සැලසේ.
එසේම වෙනත් රටවල් මේ සම්බන්ධයෙන් අනුගමනය කරන ක්‍රියාමාර්ග සහ පියවරය පිළිබදව දැනුවත් වීම මෙන්ම තොරතුරු හුවමාරු කර ගැනීමටද ශ්‍රී ලංකාවට අවස්ථාව උදාවේ.
ශ්‍රී ලංකාව වෙනුවෙන් ඉම්පැක්ට් ආයතනයේ නිල සාමාජිකත්වය ශ්‍රී ලංකා තොරතුරු හා සන්නිවේදන තාක්‍ෂණ නියෝජිතායතනයේ ප්‍රධාන විධායක නිලධාරී රෙෂාන් දේවපුර මහතාට හිමිවී තිබේ.
Wednesday, March 9, 2011
සයිබර් අපරාධ මර්දනයට ඉම්පැක්ට් සමග එකඟතාවයක්
0 comments:
Post a Comment